News and calendar events are only written in Galician language

I Andaina Solidaria contra o Neuroblastoma en memoria de Brais este domingo en Valdoviño

O entorno do parque infantil emprazado no paseo da praia da Frouxeira será este domingo o punto de encontro dos participantes da primeira Andaina Solidaria contra o Neuroblastoma en memoria de Brais. Unha cita na que se inscribiron máis de 1.300 persoas, unidas por un fin común: avanzar na investigación para atopar unha cura para este cancro infantil que, a día de hoxe, ten unha altísima incidencia.
 

O Océano Surf Museo inaugura a exposición fotográfica “Surf e Aves” este mes

Océano Surf Museo

O Océano Surf Museo, o primeiro e único de España desta temática, encara o verán con inauguración de exposición á vista. “Surf e Aves”, que asina Gonzalo Cueto, presentarase en sociedade o próximo 29 de xuño, a partir das 20 horas, e tomará o relevo da mostra de táboas de Enrique Artero. Chega para quedarse, xa que o público poderá visitala durante todo o verán, ata o 2 de setembro. Unha data de máxima afluencia de visitantes a Valdoviño e ás súas praias, especialmente atraídos polas excelentes oportunidades que brindan para a práctica dos deportes náuticos.
 

Entrega de diplomas ó alumnado do Curso de Alfabetización Dixital do Concello

Entrega de diplomas
Imaxe da entrega de diplomas

O alcalde, Alberto González, acompañado das concelleiras de Cultura e Servizos Sociais, Rosana García e Jessica Sabín, entregaron onte pola mañá os diplomas acreditativos ós veciños e veciñas que realizaron o Curso de Alfabetización Dixital : Informática básica con Internet. Unha acción formativa que arrancaba no mes de abril e que se celebrou, todas as semanas, ata o pasado 11 de xuño.
 

A Garda Civil visita o Punto de Atención á Infancia para informar ás familias dos sistemas de retención infantil

Sesión formativa no PAI

Día a día, o Punto de Atención á Infancia emprazado na Aula da Natureza estase a converter nun servizo de referencia para as familias con nenos e nenas de cero a tres anos de Valdoviño. O Concello abría as súas portas hai pouco máis dun ano cun proxecto educativo innovador, centrado no respeto á natureza e adaptado ó ritmo de cada un dos nenos. Ademais, primouse dende un primeiro momento a implicación das familias no día a día do centro, con encontros mensuais co equipo que xestiona as instalacións.
 

XVIII Mostra das Asociacións de Valdoviño este sábado na parroquia de Vilaboa

Cartel Mostra Asociacións

A parroquia de Vilaboa convertirase este ano na sede da Mostra das Asociacións de Valdoviño, unha cita multitudinaria que alcanza a súa XVIII edición. O campo da festa albergará este sábado o encontro, que dará comezo ás 13 horas e se prolongará ata ben entrada a noite. Organizada polas asociacións culturais, veciñais e deportivas, a asociación de amas de casa, a ANPA e o Concello de Valdoviño, a mostra conta coa colaboración das cooperativas do municipio –Lago, Meirás e Vilaboa-.
 

Pages

Subscribe to Concello de Valdoviño RSS