News and calendar events are only written in Galician language

Plan Apoio á Alimentación Infantil durante as vacacións escolares

O Concello de Valdoviño, dende o Departamento de Servizos Sociais Comunitarios, ven de aprobar en Pleno o inicio dun Plan Municipal de Apoio á Alimentación Infantil durante as vacacións escolares, en defecto do servizo de comedor do centro educativo durante o curso escolar.
 

O Concello de Valdoviño adscríbese ao "Protocolo para a entrega de alimentos ás familias en situación de vulnerabilidade e con menores"

O Concello de Valdoviño, dende o Departamento de Servizos Sociais Comunitarios, beneficiarase das actuacións do "Protocolo para a entrega de alimentos ás familias en situación de vulnerabilidade e con menores" asinado o 4 de Xullo de 2014 entre a Xunta de Galicia, a Federación Gallega de Banco de alimentos e a Federación Galega de Municipios e Provincias (FEGAMP).

Feira de artesanía, segunda man e produtos do campo

Cartel da feira

O domingo día 20 de xullo terá lugar na na Porta do Sol a Feira de Artesanía, segunda man e produtos do campo que celebra o concello de Valdoviño trimestralmente.
 
Máis de 70 postos con productos variados estarán a disposición dos veciños e visitantes na explanada que habitualmente se utiliza para estes eventos no centro do pobo.
 
O horario da feira será dende as 11 ata as 20 horas de forma continua.
 

Programación do verán

Valdoaventura

A aventura e o deporte sobresaen con forza na programación do verán de Valdoviño. A II Feira de Turismo Activo, Valdoaventura, ofrecerá numerosas actividades durante o primeiro fin de semana de xullo, momento no que tamén se celebrará o Campionato Galego de Tiro con arco. Xa no mes de agosto chegarán dous clásicos: a Baixada de Carrilanas e o Pantín Classic.
 

Adxudicado o servizo de salvamento e socorrismo 2014

A Xunta de Goberno Local acordou adxudicar o contrato administrativo do servizo de salvamento e socorrismo en determinados areais do concello de Valdoviño, ano 2014, á empresa SEFORGASA, S.L., cun prezo de 95.498€ máis un importe de 20.054,58€ en concepto de IVE, e cun prazo de vixencia de 2 meses, dende o 1 de xullo ata o 31 de agosto.

 
Toda a información deste trámite está dispoñible no perfil de contratante da web: Servizo de salvamento e socorrismo 2014.

Pages

Subscribe to Concello de Valdoviño RSS