News and calendar events are only written in Galician language

Medio centenar de veciños e veciñas viaxan este sábado a Compostela da man do Concello

Medio centenar de veciños e veciñas de Valdoviño tomarán parte este sábado na viaxe a Compostela organizada polo Concello de Valdoviño no marco do proxecto municipal «Dende os Camiños de Peregrinación ata o Xacobeo». Unha iniciativa cunha moi boa acollida por parte da cidadanía, que completou as prazas ofertadas.
 
A visita, guiada, permitiralles coñecer a esencia e xerme do Xacobeo, e incluirá a visita ao Pórtico da Gloria e ao Museo da Catedral, así como un percorrido pola zona monumental.
 

O Concello abre a inscrición nun novo programa de terapias para persoas afectadas de alzheimer e outras demencias

O Concello de Valdoviño proponse mellorar a atención ás persoas afectadas de alzheimer e outras demencias, contribuíndo ao seu benestar social e ao respiro familiar das persoas coidadoras. Nesa liña, a Concellería de Servizos Sociais dá un paso adiante e plantea desenvolver Talleres para as persoas afectadas. Celebraranse dous días á semana e as sesións constarán de dúas horas.
 

O Concello oferta no CPI Atios clases de atletismo para nenos e nenas a partir de 4 anos

O Concello de Valdoviño ofrecerá a partir do mes de novembro clases de atletismo no pavillón do CPI Atios. Unha nova actividades da programación deportiva dirixida a nenos e nenas a partir dos 4 anos.
 
O concelleiro de Deportes, Sergio Saavedra, avanzou que as clases se celebrarán os martes e os venres de 16 a 17 horas. Así mesmo, sitou o inicio da actividade no mes de novembro.
 

Novos pasos para materializar a mellora da estrada entre Valdoviño e Cedeira

A ansiada mellora da estrada entre Valdoviño e Cedeira (AC566), na que levan traballando a Xunta e os dous concellos durante os últimos catro anos, está hoxe máis próxima a converterse nunha realidade. Os alcaldes de Cedeira e de Valdoviño, Pablo Moreda e Alberto González respectivamente, mostraban a súa satisfacción pola publicación no Diario Oficial de Galicia do anuncio da Axencia Galega de Infraestruturas polo que se somete a exposición pública a primeira fase do proxecto constructivo, así como a relación individual de bens, dereitos e propietarios afectados polas obras.
 

Novos pasos para materializar a mellora da estrada entre Valdoviño e Cedeira

Reunión no Concello de Valdoviño entre os alcaldes e técnicos da Xunta

A ansiada mellora da estrada entre Valdoviño e Cedeira (AC566), na que levan traballando a Xunta e os dous concellos durante os últimos catro anos, está hoxe máis próxima a converterse nunha realidade. Os alcaldes de Cedeira e de Valdoviño, Pablo Moreda e Alberto González respectivamente, mostraban a súa satisfacción pola publicación no Diario Oficial de Galicia do anuncio da Axencia Galega de Infraestruturas polo que se somete a exposición pública a primeira fase do proxecto constructivo, así como a relación individual de bens, dereitos e propietarios afectados polas obras.
 

Pages

Subscribe to Concello de Valdoviño RSS