Protección Civil de Valdoviño procedeu á retirada de 321 niños de velutina en 2018

Os voluntarios da Agrupación Local de Protección Civil de Valdoviño retiraron ao longo do pasado ano un total de 321 niños de vespa velutina en todo o termo municipal. Dos datos deu conta o alcalde, Alberto González, para destacar e pór en valor o extraordinario traballo que levaron a cabo nesta materia. Unha loita contra a velutina na que colaboran estreitamente Protección Civil e o Concello, especialmente en materia de prevención, coa impartición de charlas e obradoiros de elaboración de trampas, pero tamén na fase executiva.

O Concello organiza unha xornada para dar a coñecer as axudas públicas para emprendedores e pequenas empresas

Xornada informativa sobre axudas

O alcalde, Alberto González, informou esta mañá de que o Concello de Valdoviño, a través da Concellería de Economía e Facenda, organizará o próximo xoves 31 de xaneiro unha xornada informativa para dar a coñecer as liñas de axudas públicas convocadas na actualidade para favorecer a posta en marcha de novos proxectos empresariais e a xeración de emprego.
 

O Concello completa as obras de accesibilidade no centro de saúde coa reordenación do estacionamento na contorna

Vial de acceso ao centro de saúde

Coincidindo coas obras de mellora e accesibilidade que Concello e Consellería de Sanidade levaron a cabo no Centro de Saúde, o alcalde, Alberto González, informou da actuación de reordenación das zonas de aparcadoiro do vial de acceso ás instalacións sanitarias. Impulsada pola Concellería de Servizos, o rexidor explicou que se procedeu á creación dun paso de peóns que une a beirarrúa coa nova rampla e plataforma de acceso á entrada principal do centro, co que se garante a mobilidade das persoas en cadeira de rodas, as que conduzan carriños de bebé e aquelas outras con mobilidade reducida.

O alcalde destaca a crecente actividade internacional de DETEGASA, unha das pemes beneficiarias do programa “Galicia Exporta Empresas”

Visita a DETEGASA (imaxe da Xunta de Galicia)

O alcalde, Alberto González, visitou esta mañá, xunto ao delegado territorial da Xunta, Ovidio Rodeiro, as instalacións de DETEGASA (Desarrollo Técnicas Industriales de Galicia) en Sequeiro. O rexidor salientou que esta empresa de Valdoviño, con máis de 50 anos de experiencia, é todo un referente a nivel nacional e, cada vez máis, internacional. Lembrou que a día de hoxe está presente en máis de 40 países de todo o mundo.

Conclúen os traballos de renovación da cuberta e accesibilidade ao centro de saúde

Visita ao centro de saúde

O responsable da Xerencia Integrada de Ferrol, Ángel Facio, visitou esta mañá, acompañado do alcalde, Alberto González, e do xefe de servizo, Kamel Saaddedine Moussa, o centro de saúde do municipio para supervisar o remate das últimas obras impulsadas pola Consellería de Sanidade e o Concello de Valdoviño nestas instalacións sanitarias. Unha visita de fin de obra na que tamén tomaron parte os concelleiros de Servizos, Benito Vega, e Obras, Alejandro García.

Páxinas

Subscribirse a Concello de Valdoviño RSS