Mensaxe de erro

  • Notice: unserialize(): Error at offset 9285 of 9447 bytes en DrupalDatabaseCache->prepareItem() (liña 456 de /home/concellodevaldovino/www/includes/cache.inc).
  • Warning: Invalid argument supplied for foreach() en field_attach_load() (liña 655 de /home/concellodevaldovino/www/modules/field/field.attach.inc).

O Concello completa as obras no pavillón de Meirás coa limpeza e impermeabilización da fachada e instalación de baixantes

O Concello de Valdoviño vén de concluír unha nova actuación no pavillón municipal do Longoiro, en Meirás. Así, nos últimos días procedeu á limpeza da fachada con hidrolimpadora, ó seu tratamento con revestimento elástico impermeabilizante e transpirable, e á colocación dunha baixante de aluminio para a evacuación de augas pluviais, entre outros traballos. Intervención orzamentada nuns 3.000 euros que complementa á realizada nos últimos meses.
 

O Concello organiza unha charla sobre primeiros auxilios na AVV de Meirás

Charla Meirás

O Concello de Valdoviño organiza unha charla sobre primeiros auxilios en colaboración coa asociación de Veciños de Meirás. Terá lugar o próximo luns, 23 de xaneiro, no local social, a partir  das 19,30 horas. A entrada é libre e gratuíta.
 
Na mesma, tomarán parte Francisco Rascado Sedes, médico de Urxencias, e Pilar López-Sastre Núñez, enfermeira no mesmo departamento.
 
Por último, o Concello anima á veciñanza a participar na mesma.

O auditorio da Casa da Cultura acollerá o domingo unha charla medioambiental a cargo do colectivo Coge3 e alumnado do CPI Atios

O domingo, o auditorio da Casa da Cultura acollerá unha charla medioambiental a cargo do colectivo Coge3, na que tamén tomarán parte alumnos e alumnas do primeiro ciclo de Educación Primaria do CPI Atios. Neste caso, para abordar os proxectos conxuntos que están a levar a cabo e aqueles que iniciarán a curto e medio prazo. A charla dará comezo ás 18 horas, con entrada libre.
 

Clases de reciclaxe este sábado na aula móbil que se ubicará na Porta do Sol

A veciñanza de Valdoviño ten unha cita este sábado, 14 de xaneiro, coa Aula Móbil de Reciclaxe da campaña autonómica “Oportunidades Galicia. Separemos ben, reciclaremos mellor”. Instalarase na Porta do Sol e alí estará en horario de 10,30 a 14 horas para ofrecer información sobre a correcta separación e xestión dos residuos producidos no fogar. 
 

O Concello abre a inscrición na Campaña de Esquí da Deputación

O Concello de Valdoviño, a través da Concellería de Cultura, vén de abrir a inscrición na Campaña de Esquí 2017 que promove a Deputación provincial da Coruña. Os interesados en tomar parte deben formalizala no departamento municipal e o prazo remata o día 23.
A través da mesma, rapaces e rapazas nados entre os anos 2002 e 2006, incluídos, poderán gozar de estancias na estación invernal de Leitariegos, en León. Alí, e ao longo de seis días, poderán participar en cursiños de esquí nun proxecto que inclúe aloxamento e manutención.

Páxinas

Subscribirse a Concello de Valdoviño RSS